ရုရှားဖက်ဒရေးရှင်းနိုင်ငံ၊ ပင်မတပ်မတော်ဆေးဘက်ဆိုင်ရာ ညွှန်ကြားမှုဦးစီးဌာနမှ Chief of the Main Military Clinical Hospital ဖြစ်သူ Major General Denis DAVYDOV ဦးဆောင်သော ကိုယ်စားလှယ်အဖွဲ့ လာရောက်လေ့လာခြင်း (၁၇-၇-၂၀၂၄)
ဘုရင့်နောင်ကျော်ထင်နော်ရထာနှင့်သမိန်ထောရာမတို့၏ ဆင်စီးချင်းထိုးပွဲ သရုပ်ဖော်ပန်းချီကား
မြန်မာနိုင်ငံ၏သမိုင်းကြောင်းနှင့် ယှဉ်တွဲနေသောတပ်မတော်
ဗြိတိသျှနယ်ချဲ့ဆန့်ကျင်ရေးကာလတွင် သန္ဓေတည်ခဲ့ပြီး ဖက်ဆစ်တော်လှန်ရေးကာလတွင် ပြည်သူကြားမှ ပေါက်ဖွားပေါ်ထွန်းလာခဲ့သော မြန်မာ့တပ်မတော်၏ သမိုင်းကြောင်းသည် မြန်မာတစ်မျိုးသားလုံးအတွက် ဂုဏ်ယူထိုက်သော သမိုင်းကြောင်းပင်ဖြစ်သည်။ ရှေးမြန်မာနိုင်ငံပဒေသရာဇ်ခေတ်အဆက်ဆက်တွင်ရှိခဲ့ကြသည့် တပ်မတော်များသည် ခေတ်မီတပ်မတော်များမဟုတ်ကြဘဲ စစ်မှုထမ်းဆောင်ရန်အတွက် အရေးကြုံမှသာ ထောင်ပြုမြို့၊ ရာပြုမြို့များမှအချိုးကျထည့်ဝင်ရသော စစ်သားစုဆောင်းရေးစနစ်ကို အနော်ရထာမင်းစောလက်ထက်မှစတင်၍ ကုန်းဘောင်မင်းဆက်၏ နောက်ဆုံးမင်းဖြစ်သော သီပေါမင်းလက်ထက်တိုင်အောင် ရာစုနှစ် ၈ စု ကြာမျှကျင့်သုံးခဲ့ကြသည်။ သို့ပါသော်လည်း ခေတ်အဆက်ဆက်မြန်မာနိုင်ငံ၌ ဤကဲ့သို့သောတပ်မတော်မျိုးဖြင့်ပင် ပတ်ဝန်းကျင်နိုင်ငံများ၊ အရှေ့တောင်အာရှနှင့် အရှေ့အာရှနိုင်ငံများအကြားတွင် လျှမ်းလျှမ်းတောက် ထင်ရှားကျော်ကြားခဲ့ရသော တပ်မတော်ကြီးတစ်ရပ်ဖြစ်ခဲ့ရသည်။ ၁၉ရာစုအစပိုင်းတွင်မူ ခေတ်မီလက်နက်များကိုင်ဆောင်ထား၍ စနစ်တကျလေ့ကျင့်ထားပြီးဖြစ်သော နယ်ချဲ့အင်္ဂလိပ်တပ်များနှင့်ဖြစ်ပွားခဲ့သော အင်္ဂလိပ်-မြန်မာစစ်ပွဲ သုံးကြိမ်စလုံးတွင် မြန်မာတို့အရေးနိမ့်ခဲ့ရပြီးနောက် အာရှတစ်လွှားဂုဏ်သတင်းထင်ရှားကျော်ဇောခဲ့ရသော ရှေးခေတ်မြန်မာ့တပ်မတော်၏ အခန်းကဏ္ဍပြီးဆုံးခဲ့ရပေသည်။ နယ်ချဲ့ဗြိတိသျှလက်အောက်တွင် အမျိုးသားရေးစိတ်ဓာတ်နိုးကြားတက်ကြွလာပြီးနောက် ဗြိတိသျှတို့အား လက်နက်ကိုင်တော်လှန်ရန်အတွက် ရဲဘော်သုံးကျိပ်တို့သည် ဂျပန်တို့၏ အကူအညီဖြင့် ဟိုင်နန်ကျွန်း၊ ဖော်မိုဆာကျွန်းတို့တွင် စစ်ပညာသင်ယူခဲ့ကြပြီးနောက် […]
ဗိုလ်ချုပ်မှူးကြီး သန်းရွှေ
ကြည်း ၆၇၁၀ ဗိုလ်ချုပ်မှူးကြီး သန်းရွှေ (၂၄-၄-၁၉၉၂ မှ ၃၀-၃-၂၀၁၁ ထိ) ဗိုလ်ချုပ်မှူးကြီးသန်းရွှေသည် ၁၉၅၂ ခုနှစ်တွင် တပ်မတော်(ကြည်း)ဗိုလ်လောင်းသင်တန်း၊ သင်တန်းအမှတ်စဉ်(၉)သို့ စတင်တက်ရောက်ကာ တပ်မတော်သို့ ဝင်ရောက်ခဲ့သည်။ ခြေလျင်၊ ခြေမြန်တပ်ရင်းများနှင့် လက်ရုံးတပ်ဖွဲ့များ၌တာဝန်ထမ်းဆောင်ခဲ့ပြီး ၁၉၈၀ ပြည့်နှစ်တွင် အမှတ်(၈၈)ခြေမြန်တပ်မဌာနချုပ်၌ တပ်မမှူးတာဝန်များထမ်းဆောင်ခဲ့ပြီး ၁၉၈၃ ခုနှစ်တွင် အနောက်တောင်တိုင်းစစ်ဌာနချုပ်တိုင်းမှူး၊ ၁၉၈၅ ခုနှစ်တွင် ဒုတိယကာကွယ်ရေးဦးစီးချုပ်(ကြည်း)အဖြစ် တာဝန်ထမ်းဆောင်ခဲ့သည်။ ၁၉၈၈ ခုနှစ်တွင် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ ဒုတိယဥက္ကဋ္ဌအဖြစ် တာဝန်ယူခဲ့ကာ ၁၉၉၀ ပြည့်နှစ်တွင် ဗိုလ်ချုပ်ကြီးအဆင့်သို့ တိုးမြှင့်ခန့်အပ်ခြင်းခံရပြီး ဒုတိယတပ်မတော်ကာကွယ်ရေးဦးစီးချုပ်နှင့် ကာကွယ်ရေးဦးစီးချုပ်(ကြည်း) တာဝန်များပူးတွဲထမ်းဆောင်ခဲ့သည်။ ၁၉၉၂ ခုနှစ်၊ ဧပြီလ ၂၄ ရက်တွင် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ဥက္ကဋ္ဌတာဝန်၊ ၁၉၉၇ ခုနှစ်၊ နိုဝင်ဘာလ ၁၅ ရက်တ္ငင် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီဥက္ကဋ္ဌတာဝန်နှင့် တပ်မတော်ကာကွယ်ရေးဦးစီးချုပ်တာဝန်များကို […]
ဗိုလ်ချုပ်မှူးကြီး စောမောင်
ကြည်း ၆၁၈၇ ဗိုလ်ချုပ်မှူးကြီး စောမောင် (၄-၁၁-၁၉၈၅ မှ ၂၄-၄-၁၉၉၂ ထိ) မြန်မာ့တပ်မတော်၏ ၆ဦးမြောက် တပ်မတော်ကာကွယ်ရေးဦးစီးချုပ်မှာ ဗိုလ်ချုပ်မှူးကြီးစောမောင်ဖြစ်ပြီး ၁၉၄၉ ခုနှစ်တွင် တပ်မတော်သို့ဝင်ရောက်ခဲ့ကာ ၁၉၅၁ ခုနှစ်တွင် တပ်မတော်(ကြည်း)ဗိုလ်လောင်းသင်တန်း၊ သင်တန်းအမှတ်စဉ် (၆)သို့ တက်ရောက်ခဲ့ပါသည်။ မြောက်ပိုင်းတိုင်းစစ်ဌာနချုပ်တိုင်းမှူး၊ အနောက်တောင်တိုင်းစစ်ဌာနချုပ်တိုင်းမှူး၊စစ်ရေးချုပ် တာဝန်များအား ထမ်းဆောင်ခဲ့ပြီး ၁၉၈၃ ခုနှစ်တွင် ဒုတိယကာကွယ်ရေးဦးစီးချုပ်(ကြည်း)အဖြစ် ခန့်အပ်ခံခဲ့ရပါသည်။ တပ်မတော်ကာကွယ်ရေးဦးစီးချုပ်အဖြစ် ၁၉၈၅ ခုနှစ်၊ နိုဝင်ဘာလ ၄ ရက်မှ ၁၉၉၂ ခုနှစ်၊ ဧပြီလ ၂၄ ရက်အထိ တာဝန်ထမ်းဆောင်ခဲ့ပါသည်။
ဗိုလ်ချုပ်ကြီး သူရကျော်ထင်
ကြည်း ၅၃၃၂ ဗိုလ်ချုပ်ကြီး သူရကျော်ထင် (၆-၃-၁၉၇၆ မှ ၄-၁၁-၁၉၈၅ ထိ) ဗိုလ်ချုပ်ကြီးသူရကျော်ထင်သည် လွတ်လပ်ရေးကြိုးပမ်းမှုကာလများဖြစ်သည့် BDA၊ PBFခေတ်အချိန်မှစ၍ တပ်မတော်တာဝန်များကို ထမ်းဆောင်လာခဲ့သူဖြစ်ပြီး ၁၉၄၃ ခုနှစ်၌ တပ်မတော်သို့စတင်ဝင်ရောက်ခဲ့ပါသည်။ ရန်ကုန်တိုင်းစစ်ဌာနချုပ် တိုင်းမှူး၊ ဒုတိယကာကွယ်ရေးဦးစီးချုပ်(ကြည်း)၊ ကာကွယ်ရေးဝန်ကြီးဌာန၊ ဒုတိယဝန်ကြီး တာဝန်များအား ထမ်းဆောင်ခဲ့ပါသည်။ ကာကွယ်ရေးဦးစီးချုပ်အဖြစ် ၁၉၇၆ ခုနှစ်၊ မတ်လ ၆ ရက်မှ ၁၉၈၅ ခုနှစ်၊ နိုဝင်ဘာလ ၄ ရက်အထိ တာဝန်ထမ်းဆောင်ခဲ့ပါသည်။
ဗိုလ်ချုပ်ကြီး သူရတင်ဦး
ကြည်း ၃၅၆၁ ဗိုလ်ချုပ်ကြီး တင်ဦး (၈-၃-၁၉၇၄ မှ ၆-၃-၁၉၇၆ ထိ) ဗိုလ်ချုပ်ကြီးတင်ဦးသည် ၁၉၄၆ ခုနှစ်၊ ဖေဖော်ဝါရီလ ၂၆ ရက်မှစ၍ ဒုတိယဗိုလ်အဆင့်ဖြင့် ဗမာ့သေနတ်ကိုင်တပ်ရင်းတွင် စတင်တာဝန်ထမ်းဆောင်ခဲ့ပြီး အနောက်တောင်တိုင်းစစ်ဌာနချုပ်တိုင်းမှူး၊ အလယ်ပိုင်းတိုင်းစစ်ဌာနချုပ်တိုင်းမှူးတာဝန်များကို ထမ်းဆောင်ခဲ့ပြီး ၁၉၇၂ ခုနှစ်တွင် ဒုတိယကာကွယ်ရေးဦးစီးချုပ်(ကြည်း)တာဝန်များကို ထမ်းဆောင်ခဲ့ပါသည်။ ကာကွယ်ရေးဦးစီးချုပ်အဖြစ် ၁၉၇၄ ခုနှစ်၊ မတ်လ ၈ ရက်မှ ၁၉၇၆ ခုနှစ်၊ မတ်လ ၆ ရက်အထိ တာဝန်ထမ်းဆောင်ခဲ့ပါသည်။
ဗိုလ်ချုပ်ကြီး စန်းယု
ကြည်း ၃၅၆၉ ဗိုလ်ချုပ်ကြီး စန်းယု (၂၀-၄-၁၉၇၂ မှ ၇-၃-၁၉၇၄ ထိ) ဗိုလ်ချုပ်ကြီးစန်းယုသည် ၁၉၄၂ ခုနှစ်တွင် ဗမာ့လွတ်လပ်ရေးတပ်မတော်သို့ ပြည်မြို့မှ ဝင်ရောက်ခဲ့ပြီး အရာရှိအဖြစ် ခန့်အပ်ခြင်းခံခဲ့ရသည်။ လွတ်လပ်ရေးကြိုးပမ်းမှုတိုက်ပွဲများ၊ ပြည်တွင်းသောင်းကျန်းမှုနှိမ်နင်းရေးစစ်ဆင်ရေးများ၌ ပါဝင်ခဲ့ပြီး မြောက်ပိုင်းတိုင်းစစ်ဌာနချုပ် တိုင်းမှူး၊ အရှေ့ပိုင်းတိုင်းစစ်ဌာနချုပ် တိုင်းမှူး၊ အနောက်မြောက်တိုင်းစစ်ဌာနချုပ် တိုင်းမှူးတာဝန်များနှင့် ဒုတိယကာကွယ်ရေးဦးစီးချုပ်(ကြည်း) တာဝန်များကို အဆင့်ဆင့်တာဝန်ထမ်းဆောင်ခဲ့ပါသည်။ ကာကွယ်ရေးဦးစီးချုပ်အဖြစ် ၁၉၇၂ ခုနှစ်၊ ဧပြီလ ၂၀ ရက်မှ ၁၉၇၄ ခုနှစ်၊ မတ်လ ၇ ရက်အထိ တာဝန်ထမ်းဆောင်ခဲ့ပါသည်။
ဗိုလ်ချုပ်ကြီး နေဝင်း
ကြည်း ၃၅၀၂ ဗိုလ်ချုပ်ကြီး နေဝင်း ၁-၂-၁၉၄၉ မှ ၂၀-၄-၁၉၇၂ ထိ ဗိုလ်ချုပ်ကြီးနေဝင်းသည် တို့ဗမာအစည်းအရုံးဝင်သခင်တစ်ဦးဖြစ်ပြီး တပ်မတော်ကို စတင်တည်ထောင်ခဲ့သည့် ရဲဘော်သုံးကျိပ်ဝင်တစ်ဦးလည်းဖြစ်သည်။ ၁၉၄၁ ခုနှစ်၊ ဇူလိုင်လ ၈ ရက်တွင် စစ်ပညာသင်ကြားရန် ဂျပန်ပြည်သို့ သွားရောက်ခဲ့သည်။ ဗမာ့လွတ်လပ်ရေးတပ်မတော် (Burma Independence Army–BIA) ဖွဲ့စည်းပြီးနောက် မြေအောက်စည်းရုံးရေးလှုပ်ရှားရန်အတွက် မြန်မာနိုင်ငံသို့ ပြန်လည်ဝင်ရောက်သည့် ရှေ့ပြေးအဖွဲ့ကို ခေါင်းဆောင်ခဲ့ပြီး BDAနှင့် BNA တို့တွင် စစ်ဦးစီးဌာနချုပ်မှူး၊ ထောက်ပံ့ရေးဌာနကြီးမှူးတာဝန်များထမ်းဆောင်ခဲ့ပါသည်။ ဖက်ဆစ်ဂျပန်တော်လှန်ရေးစတင်ချိန်တွင် ဗိုလ်မှူးကြီးအဆင့်ဖြင့် တိုင်း(၂) မြစ်ဝကျွန်းပေါ်တိုင်း တိုင်းမှူးအဖြစ်လည်းကောင်း၊ တိုင်းပေါင်းမှူးအဖြစ်လည်းကောင်း တာဝန်ယူခဲ့သည်။ ၁၉၄၇ ခုနှစ်၊ ဒီဇင်ဘာလ ၂ဝ ရက်မှစတင်၍ ၁၉၄၈ ခုနှစ်၊ သြဂုတ်လ ၁ ရက်ထိ မြောက်ပိုင်းတိုင်း တိုင်းမှူးတာဝန်ကိုထမ်းဆောင်ခဲ့သည်။ […]
ဒုတိယဗိုလ်ချုပ်ကြီး စမစ်ဒွန်း
ကြည်း ၅၁၀၆ ဒုတိယဗိုလ်ချုပ်ကြီး စမစ်ဒွန်း ၄-၁-၁၉၄၈ မှ ၃၁-၁-၁၉၄၉ ထိ သူ့ကျွန်ဘဝမှလွတ်မြောက်ခဲ့ပြီး လွတ်လပ်သောဗမာ့တပ်မတော်၏ ပထမဦးဆုံးသော စစ်ဦးစီးချုပ်(ကာကွယ်ရေး ဦးစီးချုပ်)မှာ ဗိုလ်ချုပ်စမစ်ဒွန်းဖြစ်ပါသည်။ ၁၉၂၄ ခုနှစ်၊ နိုဝင်ဘာလ ၈ ရက်တွင် တပ်မတော်သို့ဝင်ရောက်ခဲ့ပြီး အမှတ်(၁၀/၂၀)လေ့ကျင့်ရေးတပ်ရင်း (10/20th Training Battalion)တွင် စတင်အမှုထမ်းခဲ့သည်။ ၁၉၃၉ ခုနှစ်၊ နိုဝင်ဘာလ ၉ ရက်မှ ၁၉၄၅ ခုနှစ်၊ နိုဝင်ဘာလ ၁၅ ရက်ထိ ဗိုလ်အဆင့်မှ ဗိုလ်မှူးကြီးအဆင့်ထိ အဆင့်ဆင့်တာဝန်ထမ်းဆောင်ခဲ့ပါသည်။ ၁၉၄၅ ခုနှစ်၊ နိုဝင်ဘာလ ၁၆ ရက်တွင် ဗိုလ်မှူးချုပ်အဆင့်ဖြင့် တာဝန်ထမ်းဆောင်ခဲ့ပြီးနောက် ၁၉၄၅ ခုနှစ်၊ နိုဝင်ဘာလ ၁၇ ရက်တွင် ဗိုလ်ချုပ်အဆင့်သို့ တိုးမြှင့်တာဝန်ထမ်းဆောင်ခဲ့ပါသည်။ ၁၉၄၈ခုနှစ်၊ ဇန်နဝါရီလ ၄ […]
